HEIÐUR

 

Með einhverjum dularfullum hætti varð ég félagi í Sjálfstæðisflokknum. Sennilega hefir það orðið vegna þess að pabbi minn tilheyrði s.k. flokksbroti Gunnars Thoroddsen. Vegna þessa gekk ég í Verkalýðsskóla flokksins og lærði þar margt gagnlegt.  Nokkrum árum síðar var skólastjórinn dæmdur til fangelsisvistar fyrir fjársvik, hann er ennþá að vinna fyrir flokkinn.  Mál Árna Johnsen þekkja flestir.

Björgólfur Guðmundsson var dæmdur fyrir þjófnað í Hafskipsmálinu.

Svo var honum seldur landsbankinn fyrir slikk.

Nú segir sá mæti maður Björn Bjarnason að heiður flokksins sé meira en 55 milljóna virði.

Þá spyr ég: Hvaða heiður, er hann ekki horfinn?

 

 

Framsókn

Fyrir nokkrum árum var ég á gangi í Aðalstræti hitti Guðmund kosningastjóra Frjálslynda F.  Í tal barst auglýsingaherferð Framsóknar sem samkvæmt útreikningum sérfræðinga átti að kosta hundruðir milljóna, áberandi mikið meira en hjá öðrum framboðum. Guðmundur fullyrti að nokkur stór fyrirtæki væru með þetta inni í sínum auglýsingapakka og útkoman átti að vera sú að F.F. borgaði bara örlítið af raunverulegum kostnaði  auglýst fyrir 200  millj. 90% afsláttur. Útkoman 20 milljónir í auglýsingakostnað  styrkir 20 milljónir. Heildarkostnaður vegna kosninga í bókhaldi  40 milljónir.  En var í raun og veru 220 milljónir ef engin hefði afslátturinn verið. Ef F:F hefði aeins notið afsláttar vegna  eigin viðskipta hefði þetta e.t.v. orðið 120 milljónir.  Svona  heitir að njóta viðskiptavildar öflugra bandamanna og hún ekki bókfærð.

 

SUKK

xx

   Seint á áttunda áratug seinustu aldar var DAGBLAÐIÐ að hasla sér völl, eitt af því sem blaðið tók á var fjármálamisferli. Björgólfur Guðmundsson var þá framkvæmdastjóri í dósaverksmiðju. Þegar ekki voru peningar í kassanum gaf hann bara út gúmmítékka en vinur hans úti í bæ gaf út annan gúmmara á Björgólf. Þriðji maður gaf svo út gúmmara á vin Björgólfs. Svona var kallað keðja. Sigurbjörn í Klúbbnum var búinn að prófa þetta og lenti á Litla Hrauni.Þegar bankinn stoppaði keðjuna, stoppaði dósaverksmiðjan og Björgólfur varð atvinnulaus. Fljótlega fékk hann svo vinnu hjá HAFSKIP, þar var þá aðalmaður Magnús Magnússon frá Höskuldarkoti. Einhverjir fundu út að Maggi hafði keypt skipafélagið fyrir peninga sem voru á leið til Reykjavíkur en komu bara við þarna í HAFSKIP. Magnús var kærður til lögreglu, rétt fyrir jól og úrskurðaður í gæsluvarðhald fram yfir áramót. Til að komast heim yfir jólin, ákvað hann bara að hætta. Björgólfur varð svo forstjóri, lenti í verkfalli og taxtahruni. Hafskip fór á hausinn og löng málaferli sem enduðu með því að Björgólfur var dæmdur til nokkra mánaða fangelsisvistar fyrir að hirða öll verðbréf (Víxla, ávísanir og skuldabréf) sem hann fann á skrifstofu HAFSKIP áður en ann gekk út. 

 

BESSASTAÐABÓNDINN

vv    

Þegar Bandaríski herinn kom til Íslands 1941 var hér allt morandi í lús.

Með samstilltu átaki hers og heilbrigðisyfirvalda var lúsinni útrýmt á nokkrum mánuðum.

Ekki virðist árangur þessa útrýmingarátaks hafa komist inn í skýrslur í Pentagon því þegar herinn kom aftur 1951 var gefin út skipun, þess efnis að landhermenn skyldu burstaklipptir tvisvar í mánuði, flughermenn klipptir mánaðarlega og sjóliðar snoðaðir.  Í varnarsamningnum var ákvæði þess efnis að ekki skyldi flytja ónauðsynlegt vinnuafl til landsins. Þetta var heljar mikið verkefni og ekki fyrir alla að ráða við. Einhver benti á Grím rakara á Ísafirði hann var nú vanur að fást við fulla sjómenn og svoleiðis lið.

Grímur flutti því suður og byrjaði að klippa heilan her ásamt lærlingum sínum.

Við fyrstu útborgun skildi Grímur ekkert í því hvað var mikið af aurum í umslaginu, þegar að var gáð kom í ljós að samkeppniseftirlitið bandaríska bannaði undirboð og Grími var því greitt samkvæmt meðaltaxta rakara á austurströnd Bandaríkjanna. Klippa heilan her í uppmælingu þýddi eiginlega sexfalt kaup. Af því Grímur kunni að fara með peninga datt honum í hug að senda Óla son sinn til útlanda í skóla, aurarnir komu jú frá útlöndum.

Þegar Óli kom svo til baka var hann orðinn hálfgert goðmenni. Eftir viðkomu í nokkrum stjórnmálaflokkum endaði hann svo á Bessastöðum. Nú erum við  komin í hálfgerð vandræði með Davíð og eina leiðin til að losna við hann úr Seðlabankanum er að bjóða honum Bessastaði. Sumir hafa sagt að Davíð kunni ekki nóg í hagfræði, en hann benti sjálfur á í þingræðu að það væri erfitt að lifa af á lágum launum það hefði hann reynt sjálfur. Svo er sagt að hann kunni ekkert í hagfræði, það er ekki rétt. Eftir grunnnám hjá mömmu sinni fór hann í framhaldsnám hjá honum Óskari í Sunnubúðinni og svo hjá Svavari Gests. Komust báðir þessir menn í ágætar álnir þó ekki væru þeir langskólagengnir.

DAVÍÐ

Nú eru margir að hnýta í Davíð Oddsson, hann er hundeltur af athyglissjúkum blaðamönnum og verður að leika James Bond til að sleppa frá þessu liði. Í lok fyrri heimstyrjaldar var svo mikil eftirspurn eftir byggingalóðum að ekki var hægt að anna henni. Svo varð Davíð borgarstjóri 1982 og hann dreif í að láta skipuleggja Grafarvogshverfið og allir fengu lóðir, sama hvar í flokki þeir voru. Lóðaskorturinn hafði m.a. orsakað það að duglegasta fólkið keypti kartöfluskúra í Kópavogi og fór svo að byggja sér hús í kartöflugarðinum.  Svo varð Davíð Forsætisráðherra, lét hann setja upplýsinga og stjórnsýslulög. Embætti Umboðsmanns Alþingis varð að veruleika. Við fengum aðild að samstarfi Evrópuríkja og Íslensk alþýða gat farið að nota kreditkort í útlöndum eins og ,,fína fólkið”.

Ólafur Ragnar situr út á Bessastöðum og bullar svo mikið að Frú Dorrit ofbýður.

Nú er til grein í Almennum hegningarlögum sem fjallar um brot í opinberu starfi. Eitthvað er þar minnst á mútur. Getur verið að einhver hafi mútað Dr. Ólafi? Mig minnir að honum hafi verið boðið að skoða Gúlagið og svo á fótboltaleik hjá manninum sem átti fótboltaliðið.

Á ekki bara Davíð Oddsson að verða næsti forseti?

KAUPLEIGUFÖT

Einu sinni var hann Guðjón byggingameistari alveg kominn á rassgatið. Þá gerði hann Reykjavíkurborg tilboð í að byggja fyrir borgina heljarstórt hús. Til að bjarga lausafjárstöðunni hafði hann bara uppsteypuna dýra en innréttingarnar billegar. Svoleiðis fékk hann fullt af peningum í reksturinn. Svo fór hann að byggja verslunarmiðstöð, þegar hún var tilbúin voru allir aurarnir búnir og hann átti engin góð föt til að vera í við vígsluna.  Guðjón fór þá bara til Sævars Karls og keypti hjá honum flott föt á kaupleigu.  Guðjón er af þekktri ætt fjármálamanna. Menn eins og Guðjón þarf að virkja núna.

LÖGGURAUNIR

 Nú er hann Björn Bjarnason að hætta sem dómsmálaráðherra, þegar hann tók við endurskipulagði hann lögregluna. Afleiðingar þess voru þær að banaslysum í umferð fækkaði úr ca 24 á ári í 12, það eru því nokkrir tugir Íslendinga sem eiga Birni beinlínis líf að launa. Bjarni faðir Björns var Borgarstjóri í Reykjavík, fyrsta daginn sem hann var í því starfi tók hann eftir því að starfmenn Borgarskrifstofunnar voru að tínast inn alveg til klukkan tíu um morguninn.Bjarni vann áfram eftir lokun og þegar allir voru farnir heim tók hann stóla slóðanna og setti þá inn á sína skrifstofu. Svo þegar fólkið fór að týnast inn næsta morgunn fundust ekki stólarnir og þurfti að sækja þá inn til Borgarstjórans.  Um miðja  viku voru allir farnir að mæta á réttum tíma.Nýlega skipaði Björn, Pál Winkel í embætti fangelsismálastjóra. Nú eru einhverjir að gera athugasemdir við þessa skipun og benda á að Páll þessi hafi fengið áminningu fyrir að hafa verið á rúntinum að skoða stelpur, í vinnutíma og á lögreglubílnum. Það var fyrir mörgum árum þegar lögreglumenn voru ráðnir eftir líkamsburðum og sundkunnáttu að einn sem kallaður var Jói sterki gerðist lögreglumaður. Yfirmenn í notuðu Jóa í sendiferðir á lögreglubílnum en svo var hann kærður fyrir að flytja rauðmaga með sírenu og rauðum ljósum, vestur í bæ.Þá var Jói settur á mótorhjól ( hámarkshraði var 25 km/kl.st.).Dag nokkurn þegar hann er að ,, patrúlera” á Miklubrautinni sér hann stóran Amerískan bíl á rúmlega 30, Jói renndi sér upp að bílnum opnaði hurðina og kallaði inn: Mér þykir þú aka nokkuð greitt maður minn. Lukkan var ekki með Jóa þennan dag, því þetta var forseti borgarstjórnar sem var að ræða við einhverja konu og hafði þess vegna ekki tekið eftir Jóa sterka.   Forsetinn vildi að Jói yrði rekinn, en Lögreglustjórinn vildi það ekki, sagði að þetta hefði verið óhefðbundin lögregluaðgerð sem hefði átt að beita við þessar aðstæður.Til að ná lendingu í málinu var Jói sterki sendur austur á Litla Hraun og gerður að fangaverði þar sem hans miklu burðir komu að góðum notum.Það er því ekkert nýtt að lögreglumenn séu sendir austur á Hraun.

ÓREIÐUMENN

    Nú nýlega sagði Davíð Oddsson að Íslenska þjóðin þyrfti ekki að greiða skuldir óreiðumanna. Nú hefir víst komið ljós að þjóðin þarf að gera þetta.  Rökin eru þau að fyrirtækin sem lugu peninga út úr fólki eru skráð til heimilis á Íslandi. Ef ég sem á heima í Reykjavík set upp sjoppu í Hafnarfirði og sel hass í sjoppunni undir borðið. Ef svo einhverjir Hafnfirðingar lenda á Vogi vegna þessa  þá getur hann Lúðvík bæjarstjóri ekki rukkað hana Hönnu Birnu um sjúkrakostnaðinn. Það voru Íslenskir óreiðumenn sem sóuðu öllum þessum fjármunum. Glöggur Þingeyingur  segir að það virðast 10-20 Kárahnúkavirkjanir týndar en það sé þó huggun að það þurfi ekki að byggja neitt næstu 10 árin og ekki þurfi að kaupa nýja bíla í þrjú ár.  Ekki er nein lausn að nota Evru, þeim verður sóað út og suður eins og krónunum. Við sem tilheyrum flokksbroti Gunnars heitins Thoroddsen getum verið glaðir núna. Steingrímur joð leigði íbúð í kjallaranum hjá Gunnari, svo þegar hann gat ekki borgað leiguna útvegaði hann Steingrími vinnu hjá sjónvarpinu og gegnum það sá þjóðin hvað Grímsi er flinkur (það var Gunnar löngu búinn að fatta og hafði verið með hann í einkatímum niðri í geymslu þar sem Vodka lagerinn var)  Gunnar var nefnilega frændi hans Guðmundar Th yfirlæknis sem vissi að græðgi er bráðsmitandi geðsjúkdómur  sem var á forstigi í flokksbroti Geirs. Er hægt að finna eitthvað í reglum Evrópusambandsins um styrki til þess að bæta tjón sem verður vegna fjöldasýkinga.

JAFNRÉTTI

xx

Samkvæmt stjórnarskránni eiga allir að vera jafnir fyrir lögunum, er það svo, nei.   Sá er þetta ritar þekkir héraðsdómslögmann sem vinnur fyrir sér sem framreiðslumaður á veitingahúsi. Þegar þessi lögmaður mætti fyrsta daginn í háskóla Íslands var búið að taka frá einkaborð fyrir alla sem hétu t.d. Thorarensen, Thoroddsen, Stepensen, Johnsen,Kvaran, Finsen, Tuliníus, Arnesen, Möller. Þeir sem voru bara synir eða dætur einhverra máttu sæta því að vera fimm saman um hvert borð.  Svo þegar lögfræðingurinn ungi mætti til starfa mátti hann sæta því að vinna öll störf fyrir mann nokkurn sem heitir Líndal, meðan sá herramaður lá í símanum og spjallaði um hesta við eitthvert fólk.  Eftir fimm ár var lögfræðingurinn orðinn leiður á þessu hestakjaftæði og fékk sér vinnu í banka. Í bankanum var hann látinn vinna fyrir manni sem heitir Briem, sá var með jeppadellu og bullaði allan daginn um einhver dekk og upphækkanir. Eftir að hafa hlustað á þá vitleysu í fimm ár fékk lögfræðingurinn sér vinnu í sjoppu og svo skömmu síðar á veitingahúsi þar sem kaupið var heldur hærra en í bankanum.

RAUÐI KROSSINN

   Nú þrætir Rauði krossinn fyrir það að halda leynireikninga fyrir fjárglæframenn. Rannsóknir fræðimanna hafa leitt það ljós að Rauði krossinn ásamt Páfagarði ráku flóttakerfi fyrir stríðsglæpamenn frá Evrópu til Suður Ameríku á árunum 1945-1955.