HLÝNUN II

 

Yfirborð sólarinnar er ógnarheitt tæplega 6000 °C og sendir  frá sér mikla geislun. Geislarnir ná  yfir vítt tíðnissvið.  200-1000 nanometra langar bylgjur skipta máli fyrir fyrir lífið á jörðinni. Sýnilegt ljós hefir bylgjulengdina 400-700 nm, lengri bylgjur en 700 nm eru kallaðar innrauðar og eru hitageislun. Styttri en 400 eru mannsauganu ósýnilegar.  Nú er talað um að jörðin sé að hitna sem segir að geislunarendurkast er að minnka.   Hiti Golfstraumsins fer hækkandi og þorskurinn á orðið erfitt uppdráttar hér við suðurströndina að vetralagi. Golfstraumurinn á upptök sín í Karíbahafi þaðan sem hann rennur inn í Mexicoflóa og þaðan út í Atlanshaf. Framburður fljóta í Bandaríkjunum mynda rif við suðurodda Floridaskaga og draga með því úr straum gegnum flóann. Afleiðingin af þessu er að sjórinn hitnar meira en hann gerði áður og fellibylir öflugri. Mengun af mannavöldum getur einnig orsakað það að endurkast frá sjávaryfirborðinu minnkar og varmaísog sjávarins eykst. Ráð til þess að draga úr þessari þróun sem er á veðurfari í Evrópu gæti því verið fólgið í því að dæla sandi við Florida.

Athugasemdir

[Guðrún Emilía Guðnadóttir, 30.10.2007 kl. 15:54]

Sæll Gestur, heldur þú að þetta ástand í hafinu sé orsök þorskleysis hér við land?

K.v.

[Gestur Gunnarsson , 30.10.2007 kl. 21:20]

Sæl Guðrún.

Þorski líður best við 3-5°C líður illa við 8°C.  Fyrir  nokkrum áratugum var fylgst með því hvernig þorskurinn flutti sig til norður með vesturströnd Grænlands.  Um þetta má lesa í bókinni HAFIÐ eftir Unnstein Stefánsson.

Kv.

 Gestur

[Guðrún Emilía Guðnadóttir, 10.11.2007 kl. 10:45]

Ég fer nú að halda að þú sért á Kanarý,

ertu það kannski?

K.v.