LANDNÁM III

Möguleikar Reykjavíkur til þess að stækka eru upp til heiða eða út á sjó. Landfyllingar í Skerjafirði gætu orðið álíka að flatarmáli og Breiðholtið. Svona fyllingar gætu orðið svona eins og sambland af Feneyjum og Amsterdam kostur þessa fyrirkomulags umfram það að fara upp í fjöllin, er að allir flutningar yrðu á láréttu landi. Kostnaður við fyllingar innan skerja gæti orðið 50 milljónir á hektara þannig að pakkinn yrði á ca 30 milljarði.  Á undanförnum áratugum hafa orðið miklar framfarir í hafnargerð þar sem við er að kljást öldur sem koma óbrotnar að ströndinni. Íslendingar eru nú taldir með þeim fremstu í heiminum á þessu sviði. Sá er þetta er þó ekki alltaf sáttur við framgöngu þeirra sem við þetta fást, þeir mættu gjarnan vera minni kerfiskallar. En góðir samt.  Valkostur á móti stækkun Reykjavíkur út í sjó er að styrkja byggð á Árborgarsvæðinu. Hefir það ýmsa kosti s.s.:

Hægt að gera stóran flugvöll með litlum tilkostnaði.

Vega og gatnagerð auðveld.

Mikið af byggingaefni er til á svæðinu.

Allt lárétt land.

Styttri og betri siglingaleið til Evrópu. (Wilson Muuga)

Lítil eldri byggð fyrir.

Engar klappir sem þarf að sprengja.

Styrking byggðar á svæðinu yrði með því að setja þar niður stóriðju og fullvinnslu sjávarafurða svo t.d. eitthvað annað t.d. rafbílaverksmiðju .

 

Athugasemdir

[Eyþór Árnason, 24.9.2007 kl. 20:05]

Það er mynd af þér í Mogganum í dag. Til hamingju með bókina. En koma ekki stór-jarðskjálftar fyrir austan fjall? Kveðja.

[Gestur Gunnarsson , 25.9.2007 kl. 09:07]

Sæll

 Reiknað er með að jarðskjálftar á Íslandi orsaki láréttan kraft sem er ca 10% af þyngd viðkomandi byggingar.  Seinasti suðurlandsskjálfti orsakaði kraft sem mældist ca 3% af þyngd bygginga. Lausn á jarðskjálftadæminu gæti því orðið að nota léttari byggingarefni s.s. vikur og rauðamöl, nóg er til af því þarna fyrir austan. Burðarvirki gætu verið úr járnbentri steinsteypu. 

Kv.

Gestur

[Guðrún Emilía Guðnadóttir, 26.9.2007 kl. 21:00]

Sæll Gestur, Til hamingju með bókina hvaða bók get ég fengið að fylgjast með.
Kaupi ekki moggann sé hann á vefnum, hef alveg misst af þessu með þig og bókina.
                                          Kveðjur.

[Gestur Gunnarsson , 27.9.2007 kl. 17:42]

Sæl Guðrún , þakka hamingjuóskirnar.

 Bókin heitir Verktæknifræði fyrir pípulagningamenn og var skrifuð til að styðja þá í starfi. Hún getur einnig gagnast húsmæðrum, húsvörðum og húsameisturum. Bara öllum sem eitthvað þurfa að fást við hita eða vatnskerfi.  Bókina má panta hjá IÐN'U bókaútgáfu í Brautarholti. Verðið er ca. 1300 kr.  Er soldið þreyttur eftir allt þetta vesen. Svo kemur ný sjóferðasaga í Október.  Greinin um bókina var í seinasta faseignablaði moggans .

kv.

Gestur

[Guðrún Emilía Guðnadóttir, 27.9.2007 kl. 19:21]

Takk fyrir svarið Gestur.
Hvað er það sem þér dettur ekki í hug?
Hlakka til að lesa fleiri sjóferðasögur.
Hvíldu þig vel, gott að heyra einhvern viðurkenna
að hann sé þreyttur, afar sjalgæft hjá karlmönnum.

               Kveðjur.

[Gestur Gunnarsson , 29.9.2007 kl. 13:48]

Sæl Guðrún.

 Einu sinni var ég formaður í uppfiningamannafélagi, það gekk frekar illa . Svo fann ég það upp að hætta og láta kjósa hjúkrunarkonu fyrir formann. Þá fór allt að ganga.

Kv.

Gestur