SKIPULAG

 

Þegar skipulag er unnið þurfa þeir sem við það fást að horfa vel fram á veginn. Fyrir löngu var lögð Hringbraut um Reykjavík. Þeir sem áttu erindi í aðra borgarhluta áttu greiða leið út á brautina og gátu farið þangað sem þeir áttu erindi án þess að trufla mikið þá sem inni í borginni voru. Rétt utan þessarar hugsuðu Hringbrautar var reist, fyrir hundrað árum, gasstöð þar sem nú stendur lögreglustöðin við Hlemmtorg.  Vísustu menn þess tíma töldu að gasstöðin gæti staðið þarna í hundrað ár án þess að verða fyrir. Við Rauðarárstíg átti að vera járnbrautarstöð og átti járnbrautin að liggja um Þrengsli austur fyrir fjall.  Byltingar í atvinnuháttum og styrjaldir breyttu þessu öllu og var gasstöðin rifin um 1960.  Nú fyrir nokkrum dögum fórst maður í umferðarslysi á veginum milli Hveragerðis og Selfoss. Sá ágæti maður, Sýslumaður Árnessýslu, hefir bent á að þarna þurfi að vera vegur með tveim aðskildum akbrautum. Því ekki að vera aðeins á undan og leggja Hringbraut um Árborgarsvæðið. Tengja saman með tvöfaldri braut, Eyrarbakka, Selfoss, Hverageði, Þorláksöfn og Eyrarbakka  svo samgöngur verði greiðari milli staða. Reykjavíkurflugvöllur var endurgerður fyrir fáum árum. Hringbraut um Árborg er í malbiki og magni jarðefna u.þ.b. tvöföld endurnýjun flugvallarins.  Þetta segir að kostnaður við brautina verður 4-5 milljarðir þegar hagkerfið er aðeins farið að kólna. Þegar þessi braut hefir verið lögð má tengja hana við Þrengsla og Hellisheiðarveg með þeim hætti að á þeim verði einstefna og sleppa allri tvöföldun uppi á heiðinni.

Athugasemdir

[Guðrún Emilía Guðnadóttir, 19.9.2007 kl. 17:43]

Flott skipulagstillaga hjá þér Gestur, en þú veist að þetta verður aldrei framkvæmt svona, þeir þurfa alltaf að vinna allt í kostnaðarsömum
smááföngum. Þú sérð nú hvað þeir eru að gera við Smáralindina og þar um kring,
þeir áttu að gera þetta strax, þeir áttu að vita
hverskonar umferð yrði þarna, en þeir hafa aldrei kunnað neitt framtíðar-skipulag
þessir herrar sem öllu ráða

          K.v.