Mengun II

Fór út í Nauthólsvík í gær. Sá þar framkvæmdir vegna bygginga Háskólans í Reykjavík. Ekki fannst þar mengunin sem sagt var frá í fréttum. Þetta virðist því hafa verið stormur í vatnsglasi eða tebolla því Bretar réðu þarna ríkjum í byrjun. Verktakafélagið Hólmgarður sá að verulegum hluta um gerð Reykjavíkurflugvallar. Annar aðaleigenda félagsins var Gunnar Bjarnason seinna skólastjóri Vélskólans. Gunnar lenti vandræðum út af einhverjum látnum mönnum sem unnu við flugvallargerðina og fengu tímakaup. Haustið 1962 var vegna mikilla síldveiða skortur á nemendum í skólann hjá Gunnari, hann brá þá á það ráð að auglýsa eftir nemendum í Útvarpinu og sagði að próf úr R1 í Vélskólanum gilti sem inntökupróf í tækniskóla á Norðurlöndunum. R1 varð síðar Tækniskóli Íslands, sem svo varð hluti af Háskólanum í Reykjavík. Olía sem lekur ofaní jörðina flýtur á jarðvatninu, ef hún kemst ekki svo langt niður gufar hún upp á löngum tíma. Eða oxast.

Athugasemdir

[Guðrún Emilía Guðnadóttir, 17.9.2007 kl. 20:04]

mengun er alltaf af hinu illa fyrir jarðveginn,
en Gestur hefur þú heyrt um mengunina
sem byrjaði að vella út úr fjallsrótunum
á Langanesi þar sem radarstöðin var þar
löngu eftir að hún hætti og þeir búnir að
ganga frá eftir sig.
Er  mögulega hægt að hreinsa þetta
upp sem skyldi?
Er ekki mjög að mér í þessum málum.

            K.v.

[Gestur Gunnarsson , 17.9.2007 kl. 20:35]

Mengun er alls ekki sama og mengun. Olía er efni sem hefir orðið til úr dýraleyfum og er í raun sama efni og er í okkur. Þetta er bara hringrás efna á jörðinni þessi efni eru öll búin að vera hér alla tíð.  Mengun tel ég vera sum ný efni sem maðurinn er að búa til á efnafræðilegan hátt og eru ekki hluti af efnakeðju jarðarinnar. Mengandi efni samkvæmt þessu geta t.d. verið bremsuvökvi, hágæða smurolía, ýmsar gerðir af málningu s.s. epoxy og skipamálning sem í eru þungmálmar og eitur. Vandræðin byrja þegar maðurinn vill græða meira og byrjar að fikta.

[Guðrún Emilía Guðnadóttir, 18.9.2007 kl. 14:06]

Takk fyrir uppfræðsluna Gestur,
að sjálfsögðu þegar maður fer að hugsa,
þá verður ljós.
merkilegt fyrirbæri, fiktið og græðgin,
en hefur samt alltaf verið til.